6月23日 星期一

今晚終於同大伙兒相聚啦!!

由於露露公事繁忙去完拉斯維加斯又去澳門既關係 (都唔知係咪去豪賭，去親都係賭城)

所以我地要約到今日先約得齊人出黎，我14號果晚又冇返大埔同欣欣同豐飲野

欣欣之前果晚send左個msg比我約我7點半去北京道1號

我7點半先執野收工，跟住仲發現自己冇帶公司鎖匙，頂!!!

又要勞動Sandy媽響山頂走返落黎 (佢話啱啱先湊左兩個仔返屋企 )，狗狗陪我等

差不多8點幾先響樓下上左出佐敦道小巴，點知佢又等客，頂!!!

結果去到油麻地我再轉的士飛去北京道1號，上左8樓火間土 (某年迪迪生日我都去過一次)

真係sorry，遲左咁多!!

可惜兩次去都冇海景枱坐，不過幾鍾意佢自己一group人一間房，唔駛比人望到，鍾意點郁點玩都得

食左好多野呀!! 又沙律又烏冬又魚生飯又咩卷又餃子又炸生麵... 仲有露露特備既黑椒牛肉乾生麵

又驚比人blame又要食，牛肉乾都要拎筷子夾!!

今晚豐可能有 "旅遊前喪心病狂間歇性串爆得罪朋友症"，佢今晚既精句有：

"你塊面咁大，買5塊面膜邊夠呀!" & "你隻腳咁粗, 影到就唔好啦!"

仲有一句我唔記得左，至於上面果兩句係對邊個講大家心裡有數啦!! (襯佢去左柴灣環島遊係咁講佢先)

食飽話不如一係去飲野一係去食雪糕，後尾去左Haagen-Dazs食high deserts

蛇文好型咁點左一個雪糕球既口味係：Macadamia Nuts

露露佢地係咁問佢點叫，我話我淨係識：Mandarina Duck

食到好飽好飽，大家就要散下步咁行去尖東站啦!!

響架車度，我地一路等果個棉裝消毒內褲既廣告，差不多埋大埔墟站終於播，可能我地太緊張太大聲叫露露快d睇，比坐對面個女人笑我地添~~

多謝我呢班歷年來既摰友，真係要用歷史黎形容!!

幕後花絮:
<- 咦~好似貴野黎喎!!
<- 嘩!!真係貴野黎喎!!你睇我笑到~
<- 唔可以唔影露露手信支M&M筆
<- 型既象徵
<- 豐給我的生日蛋糕, 幾可亂真!!
<- 都話唔可以影到隻腳咯, 個waiter影得好過Kevin!!
<- our high deserts
<- from我的摯友<- 講過一次啫, 露露咁都記住!!
<- 多謝哂!!

6月21日 星期六

好耐之前應承左雀仔考完試就同佢去九龍城食泰國野，就揀左今個星期六去

放左工先去觀塘apm，去睇超低能特工隊，呢d咁低能既戲雀應該會睇得好開心

響巴士站等埋就行去apm，但雀仔拎完錢行出黎之後發生左一件爆炸性事件

仲令到我響條街度做part-time，專業到真係驚有人埋黎搵我，哈哈

發生左呢件事令到我地行去apm既進度拖慢左好多，最終食唔到赤丸．．．

已經3點幾，就去左food court食左一個炸雞飯同豬軟骨拉麵，但真係好麻麻

之後就上左戲院睇4點場，套戲真係好短同好低B，總之成套抄蜘蛛俠既劇情但係超低能non-sence版

未夠6點就完場，跟住行左陣apm，但真係冇野行，就去左仙跡岩坐低飲野打陣機

見都唔早就搭巴士去九龍城，見到有車就上點知上左架熱狗 -_-"，熱屎人!!

落左車就去街市，上到去都仲要等位，4-5張枱到啦，但隔離打邊爐果檔唔likey人地企佢d位囉

點左蝦刺身、冬陰功湯、豉椒炒蜆、鹹魚炒芥蘭、泰象啤，因為頭先d未落格所以冇食飯

d食物真係幾有質素，可惜我地唔食飯冇點咖哩，下次多d人黎可點埋咖哩炒蟹

食到飽飽就買單走人，走時仲有人等位

跟住去搵人地推介話好正果間金滿堂甜品搵甜品食

但真係太飽，搵到間野都行左兩個圈散下步先入去

我點左個龍眼椰果豆腐花，雀仔食個楊枝甘露 (不過都估到佢係食唔哂又要我食架啦 -_-")

嘩!! 跟住真係好好好飽啦，個肚仲突左出黎呀~~

飽哂又係坐車歸家lu~